پکتیا کې د ورزشي کلبونو مسؤلانو ا و ورزشکارانو ته لازمې سپارښتنې
د پکتیا ولایت د بدني روزشې او ورزش امر نورحمن تسکین د دې ولایت د ورزشي کلبونو څخه لیدنه وکړه او دې کلبونو مسولانو او ورزرشکارانو ته لازمې سپارښتنې وکړې.
نوموړي وویل: ورزشکاران باید خپل تمرینونه د شریعت اصولو ته پام وکړي او د اذان پر وخت باید تمرین ودروي او لمونځونه دې ادا کړي.
هغه دغه راز د کلبونو مسولانو او ورزشکارانو ته د عورت په ستر د ټينګار تر څنک وویل هغه څوک چې تمرین ورکوي باید د فعالیت جواز ولري او د هغوی چې د جواز نېټه پای ته رسېدلې ده جوازونه دې له سره نوي کړي.
همدارنګه په پای کې ورزشکارانو او د کلبونو مسولانو خپلې د ورزش په برخه کې اړوندې ستونزې او اندېښنې د دې ولایت له ورزشي امر سره شريکې کړې او نوموړي ورته د بشپړې همکارۍ ډاډ ورکړ.
