پکتیکا؛ برمل ولسوالۍ کې د لسو لوبډلو ترمنځ د فوټبال سیالۍ پای ته ورسېدې
د پکتيکا ولايت د بدني روزنې او ورزش آمریت اړوند د فوټبال فدراسیون د استازولي له لوري د ياد ولايت په برمل ولسوالۍ کې د لسو لوبډلو ترمنځ د فوټبال سیالۍ د منصوري کلب لوبډلې په اتلولي پای ته ورسېدې.
د یادو سیالیو پایلوبه د منصوري کلب او سیفور آباد لوبډلو ترمنځ ترسره شوه چې په پایله کې یې منصوري کلب لوبډلې د درې پر صفر میدانونو په توپیر خپلې سیالې لوبډلې ته ماتې ورکړه او اتلولي یې په خپل نوم کړه.
دغه سيالۍ لېرې پرتو سیمو ته د ورزش د رسولو په موخه ترسره شوې چې ٢٤ ورځې یې دوام وکړ او په پای کې اتلې لوبډلې ته ١٢٥٠٠ افغانۍ او دویم مقام لوبډلې ته لس زره افغانۍ د ډالۍ په توګه ورکړل شوې.
