پکتیکا؛ بکخېلو ولسوالۍ کې د نېزه بازۍ سیالي یحی خېلو لوبډلې وګټله
د پکتیکا ولایت د بدني روزنې او ورزش امریت او د بکخېلو ځوانانو له خوا د ۶ لوبډلو ترمنځ د نېزه بازۍ سیالۍ ترسره شوې، چې د بکخېلو په بریا پای ته ورسېدې.
په دې یو ورځنۍ سیالۍ کې «بکخېو، ملیزو، سیګاني ، پاینده خېلو، یحی خېلو او جاني خېلو» شپږو لوبډلو ګډون درلود، چې پایلوبې ته یې د یحی خېلو او بکخېلو ولسوالیو لار ومونده، په پایله کې یې د پایلوبې بریا یحی خېلو لوبډلې ترلاسه کړه.
د دې سیالیو موخه د ځوانانو یووالی، ليرې پرتو سیمو ته د ورزش رسول او د سالمې تفریح زمینه برابرول و.
د سیالیو لیدو ته د ورزشي مسولینو ترڅنګ مخورو، ځوانانو او ګڼ مینوالو هم ورغلي وو.
