پکتیکا؛ د مرکز ښرنې اړوند په چګان کلا سیمه کې د شپږ لوبډلو ترمنځ د نیزې وهنې دودیزې سیالۍ ترسره شوې
د پکتیکا ولایت د ورزش امریت او نېزې وهنې فدراسیون په ګډه همکارۍ د غزني ولایت یوې لوبډلې په ګډون د مرکز ښرنې په چګان کلا سیمه کې د شپږ لوبډلو ترمنځ د نېزې وهنې محلي – دودیزې سیالۍ ترسره شوې.
د دغو سیالیو په پایله کې د اتفاق اې لوبډلې لومړی، مرکز اې لوبډلې دویم او اتفاق بي لوبډلې درېیم مقام ترلاسه کړ.
د یادو سیالیو موخه محلي – دودیزو سیالیو ته وده ورکول دي، چې په پای کې غوره لوبډلو ته جایزې هم ورکړل شوې.
