پکتیکا؛ په ارګون ولسوالۍ کې د ۵۰ لوبډلو ترمنځ د فوټبال سیالۍ د "نوجوانان قریه جانی" لوبډلې په اتلولۍ پای ته ورسېد
د پکتيکا ولايت په ارګون ولسوالۍ کې د شهیدانو لوبغالي د کمېټې له لوري د ۵۰ لوبډلو ترمنځ د فوټبال سیالۍ چې څه موده وړاندې پیل شوې وې، د "نوجوانان قریه جانی" لوبډلې په اتلولۍ پای ته ورسیدې.
د سیالیو پایلوبې ته "نوجوانان قریه جانی" او "یوولس ستوري خاندار" لوبډلو لاره موندلې وه، چې په پایله کې نوجوانان قریه جاني لوبډلې خپلې سیالې لوبډلې ته په پنالټي کې د ۰-۲ ګولونو په توپیر ماتې ورکړه او اتلولي یې خپله کړه.
په پای کې مقام ګټونکې لوبډلې ته ۱۵۰۰۰۰ نغدي ډالۍ او دویم مقام ګټونکي ته ۵۰۰۰۰ د نغدې ډالۍ په توګه ورکړل شوې.
د سیالیو موخه د لوبغاړو ترمنځ یووالی او همغږي رامنځ ته کول وو.
