پکتیکا؛ په اورګون ولسوالۍ کې د ۲۵ لوبډلو ترمنځ د والیبال سیالۍ پیل شوې
د پکتیکا ولایت د بدني روزنې او ورزش امریت او اورګون ولسوالۍ د ځوانانو له لوري په یاده ولسوالۍ کې د ۲۵ لوبډلو ترمنځ د والیبال چلینج کپ سیالۍ پیل شوې.
د دغو سیالیو لومړۍ لوبه د ځدران او دین محمد خروټي لوبډلو ترمنځ ترسره شوه، چې په پایله کې ځدران لوبډلې خپلې سیالې لوبډلې ته د ۳-۰ میدانونو په توپیر ماتې ورکړه او بریا یې خپله کړه.
باید یادونه وشي چې د دغو سیالیو موخه نړۍوالو ته د امن غږ رسول او همدارنګه د لوبغاړو ترمنځ د یووالي فضا رامنځته کول وو.
