پکتیکا؛ یوسف خېلو ولسوالۍ کې د شل لوبډلو ترمنځ د ټېپ بال کرېکټ سیالۍ پیل شوې
د پکتیکا ولایت د بدني روزنې او ورزش آمریت اړوند د ټېپ بال کرېکټ فدراسیون د استازولۍ له لوري د ياد ولايت په یوسف خېلو ولسوالۍ کې د شل لوبډلو ترمنځ د ټېپ بال کرېکټ اختریزې سیالۍ پیل شوې.
د یادو سیالیو لومړۍ لوبه د غيبي خېلو او نایټ لوبډلو ترمنځ ترسره شوه. د لوبې پچه نایټ لوبډلې وګټله او لومړی یې توپوهنه وکړه، چې په ټاکلو اتو اورونو کې یې د اوو ویکټو په زیان خپلې سیالې لوبډلې ته د ١١٠ منډو هدف وټاکه. غيبي خېلو لوبډلې ټاکلی هدف د درېیوو ویکټو په زیان د لوبې وروستي اور کې ترلاسه کړ او د اوو ویکټو
دا سیالۍ د لوی اختر د لمانځلو په موخه پیل شوي دي، چې لس ورځې به دوام وکړي.
