پکتیکا؛ یوسف خېلو ولسوالۍ کې د ۱۲ لوبډلو ترمنځ د فوټبال سیالۍ پیل شوې
د پکتیکا ولایت د بدني روزنې او ورزش امریت اړوند د فوټبال فدراسیون د استازولۍ له لوري د یاد ولایت په یوسف خېلو ولسوالۍ کې د ۱۲ لوبډلو ترمنځ د فوټبال سیالۍ پیل شوې.
د دغو سیالیو لومړۍ لوبه د ښرنې او مشخېلو لوبډلو ترمنځ ترسره شوه، چې په پایله کې یې ښرنې لوبډلې د ۲/۶ ګولونو په توپیر خپلې سیالې لوبډلې ته ماتې ورکړه او د سیالیو لومړۍ بریا یې خپله کړه.
دا سیالۍ فوټبال لوبې ته د ودې ورکولو په موخه پیل شوې دي، چې اته ورځې به دوام وکړي.
