چک ولسوالۍ کې د خوسۍ محلي لوبې ترسره شوې
د میدان وردګو، چک ولسوالۍ کې تېره ورځ د بدني روزنې او ورزش امریت له لوري د خوسۍ محلي لوبې جوړې شوې وې.
د ولایت د بدني روزنې او ورزش مسؤلین وایی، دوی غواړي هغه محلي لوبې یو ځل بیا د خلکو تر منځ دود کړي، چې د له منځه تلو په حال کې دی.
د بدني روزنې امر ذبیح الله وهاج وایي، موږ هڅه کو، محلي لوبو ته خاصه توجه وکړو، ځکه محلي لوبې ځانګړي مینوال لري.
وهاج وایي ورستیو وختونو موږ د ورزش برخه کې د ولایت په کچه لویې لاسته راوړنې لرو.
هغه وایي، زموږ ولایت کې د ورزش هره برخه کې ځانګړي استعدادونو لرو، چې په راتلونکې کې به د د ولایت په کچه لویې لاسته راوړنې ولری.
په میدان وردګو ولایت کې دا لومړی ځل دی، چې دا ډول محلي لوبې په یوه سولیزه او ارامه فضا کې ترسره کیږي.
