کابل؛ بګرامي ولسوالۍ کې د ۵۰ لوبډلو ترمنځ د والیبال سیالۍ پيل شوې
د کابل ولایت د بدني روزنې او ورزش ریاست په مرسته او د والیبال ملي فدراسیون او د سهاک ځوانانو له لوري د یاد ولایت په بګرامي ولسوالۍ کې د ۵۰ لوبډلو ترمنځ د والیبال سیالۍ د رامین شيوکي لوبډلې په بریا پيل شوې.
د دغو سیالیو په لومړۍ لوبه کې رامین شيوکي لوبډلې خپلې سیالې یاران هوتک لوبډلې ته د ۲/۱ میدانونو په توپير ماتې ورکړه او لومړۍ بریا یې خپله کړه.
د یادو سیالیو موخه د والیبال ورزش ته وده ورکول، د خلکو ترمنځ یووالی رامنځته کول او له نشه یي توکو څخه د ځوانانو لېرې والی دی، چې یوه میاشت به دوام وکړي.
