کابل؛ د افغانستان اتلانو لیګ درېیم پړاو فوټبال سیالیو نهه څلوېښتمه او پنځوسمه لوبه کې استقلال کابل او ابو مسلم فراه لوبډلو بریاوې خپلې کړې
د افغانستان اتلانو درېیم پړاو فوټبال سیالیو په دوام کې نهه څلوېښنمه او پنځوسمه لوبه کې استقلال کابل له جوانان واحدي او ابو مسلم فراه له خدیم اف سي لوبډلې سره لوبه ترسره کړه.
د دغو سیالیو نهه څلوېښتمه لوبه کې استقلال کابل لوبډلې جوانان واحدي ته د ۵/۲ ګولونو او پنځوسمه لوبه کې ابو مسلم فراه لوبډلې خدیم اف سي ته د ۳/۲ ګولونو په توپیر ماتې ورکړه.
د افغانستان اتلانو لیګ درېیم پړاو فوټبال سیالۍ ۲۴ ورځې مخکې د بدني روزنې او ورزش ریاست په مرسته د فوټبال فدراسیون له لوري د مرکز او ولایتونو ۱۲ لوبډلو ترمنځ پیل شوې دي، چې نهه ورځې به نور هم دوام وکړي.
