کابل؛ د تکواندو منتخبې لوبډلې د غوراوي يوولسم پړاو سيالۍ پيل شوې
په پلازمېنه کابل کې د بدني روزنې او ورزش عمومي ریاست د تکواندو ملي فدراسیون په تمريناتي ځاى کې، د اسيا اتلولي سياليو کې د افغانستان لومړني د سرو زرو مډال ګټونکي او د تکواندو ملي لوبډلې غړي محسن رضايي په وياړ د تنکيو ځوانانو سني کټګورۍ کې د کابل تکواندو منتخبې لوبډلې د غوراوي يوولسم پړاو سيالۍ پيل شوې.
په دغو سياليو د ٢٠ لوبډلو ٢٠٠ ورزشکاران ګډون لري چې درې ورځې به دوام وکړي.
د دغو سياليو په ترڅ کې به ٤٠ غوره ورزشکاران د کابل تکواندو منتخبې لوبډلې ته وټاکل شي.
