کابل؛ د پهلوانۍ ملي فدراسیون د ورزشي جمنازیوم د پرانیستغونډې پیل د قرآن عظیم الشان په ختم وشو
د هېواد المپیک ملي کمېټې او د بدني روزنې او ورزش لوی ریاست اړوند د پهلوانۍ ملي فدراسیون لوري په یاد ریاست کې د پهلوانۍ ملي فدراسیون د ورزشي جمنازیوم پرانیستې په موخه د قرآن عظیم الشان ختم وشو.
په دغه پرانیستغونډه کې د هېواد المپیک ملي کمېتې د بدني روزنې او ورزش لوی ریاست ورزشي مشاور او د پهلوانۍ ملي فدراسیون رییس قاري حیات الله رحماني، د یاد فدراسیون مسوولینو، مېلمنو، ورزشکارانو او مینوالو ګډون کړی وو.
له پرانیستغونډې وروسته د پهلوانۍ په ګریګرومن سبک کې د لسو کلاسونو ۴۰ غوره ورزشکارانو ته، چې څو میاشتې وړاندې د پهلوانۍ ملي لوبډلې ته غوره شوي وو؛ په مډالونه او ستاینلیکونه وستایل شوه.
یاد جمنازیوم د پهلوانۍ ورزشکارنو د تمرین په موخه پرانیستل شو.
