کابل؛ د ۶۶ بکسنګ کلبونو ترمنځ د نویو ځوانانو د غوراوي سیالۍ پای ته ورسیدې
د بوکسنګ ملي فدراسیون له لوري کابل ښار اړوند له ٦٦ کلپونو څخه د ١٤٧ ورزشکارانو ترمنځ د نویو ځوانانو د ډلبندۍ منتخبه سیالۍ د غوره ورزشکارانو په پېژندلو سره پای ته ورسیدې.
په دې سياليو کې له لومړي کلاس څخه تر څوارلسم وزني کلاس پورې ورزشکارانو په ګډه سيالۍ وکړې او په پاى کې ٢٨ ورزشکاران وتوانېدل، چې د کابل ولايت د ځوانانو د لوبډلې غړيتوب ترلاسه کړي.
د یادونې وړ ده، چې دغه سیالۍ کابل لوبډلې ته د غوره څېرو د پېژندنې په موخه ترسره شوې؛ ترڅو دغه لوبغاړي د کابل په استازیتوب د ولایتونو په کچه په لوبو کې برخه واخلي.
