کابل؛ په ۳/۳ سبک کې د باسکټبال د شپږم پړاو پنځه ورځنۍ سیالۍ پیل شوې
د بدني روزنې او او ورزش عمومي ریاست په ۵۰۰ کسیز جمنازیوم کې د اتو ولایتونو د ۴۰ ورزشکارانو ترمنځ د باسکټبال شپږم پړاو سیالۍ په ۳/۳ سبک کې پیل شوې.
د باسکټبال په دې سیالیو کې د اتو ولایتونو(کابل، هرات، بامیان، ننګرهار، غور، غزني، بلخ او سمنګان) ۹ لوبډلو ګډون کړی.
د یادونې ده، چې د باسکټبال دا سیالۍ به ۵ ورځې دوام ولري، چې په پای کې به له یادو ۴۰ تنو ورزشکارنو ۱۲ تنه غوره شي. له ټاکل شویو ۱۲ تنو ۴ تنه ورزشکاران ملي، ۴ تنه له ۲۳ کلنو کم عمره او ۴ تنه له ۱۹ کلنو کم عمره لوبډلو ته وټاکل شي.
د باسکټبال ملي لوبډلې ته د غوره لوبغاړو او څېرو موندل او ۳/۳ سیالیو وده او پراختیا د یادو سیالیو موخه ښودل شوې ده.
