کابل کې د سرې میاشتې نړۍوالې ورځې په مناسبت د ۱۸ لوبډلو ترمنځ د پنګ پانګ دیارلسم پړاو سیالۍ پای ته ورسېدې

org2_admin
دوشنبه ۱۴۰۳/۲/۲۴ - ۱۶:۹
کابل کې د سرې میاشتې نړۍوالې ورځې په مناسبت د ۱۸ لوبډلو ترمنځ د پنګ پانګ دیارلسم پړاو سیالۍ پای ته ورسېدې

د بدني روزنې او ورزش لوی ریاست په همغږي او د سرې میاشتې د رهبري له لوري د سري میاشتې نړۍوالې ورځې په مناسبت د ۱۸ لوبډلو د ۱۰۰ ورزشکارانو ترمنځ د پنګ پانګ سیالۍ چې دوې ورځې مخکې پیل شوې وې، پای ته ورسېدې.

د یادو سیالیو په پایله کې اته تنه ورزشکاران د یاد فدراسیون د انفرادي لوبډلې او اته تنه نور د جوړه يي لوبډلې لپاره وټاکل شول او احمد منیب د نویو ځوانانو په کټګوري کې د غوره لوبغاړي لقب ترلاسه کړ.

د یادو سیالیو د پای په مراسمو کې د المپیک ملي کمېټې او ورزش لوی رئیس مولوي احمد الله وثیق، د یاد ریاست فني او مسلکي مرستیال حافظ احمد جان ځدراڼ، د المپیک ملي کمېټې اجرایوي رئیس داد محمد پاینده اختري، ورزشي مشاور قاري حیات الله رحماني، د ننګرهار ولایت د بدني روزنې او ورزش رئیس عبدالسلام وزیروال، د پکتیا ولایت د بدني روزنې او ورزش رئیس نور رحمن تسکین، د افغاني سرې میاشتې ټولنې رهبري، د پنګ پانګ ملي فدراسیون رهبري، د یادو سیالیو ملاتړو او ورزش کارانو ګډون کړی و.

د المپیک ملي کمېټې او ورزش لوی رئیس مولوي احمد الله وثیق په دغو مراسمو کې د سره صلیب ټولنې او سرې میاشتې بنسټ او د یادو سیالیو له ملاتړ کوونکو څخه مننه وکړه.

ښاغلي وثیق زیاته کړه: د هېواد ورزش ادارې تل هڅه کړې، چې په هېواد کې د ورزش د ودې په برخه کې همکاري وکړي.

د پنګ پانګ ملي فدراسیون د یادو سیالیو د ترسره کېدو موخه د سرې میاشتې نړۍوالې ورځې نمانځل او انفرادي او جوړه يي لوبډلو ته د غوره لوبغاړو ټاکل ښودلي دي.

همداراز په پای کې د لوبو د مسؤولانو له لوري غوره لوبغاړو ته کپ، مډالونه، ستاینلیکونه او نقدي ډالۍ ورکړل شوې.

تازه خبرونه

چهارشنبه ۱۴۰۵/۸/۲۷ - ۱۱:۱
Background image

هلمند؛ ناوې ولسوالۍ کې د اتو لوبډلو ترمنځ د فوتبال سیالۍ پیل شوې

د هلمند ولایت د بدني روزنې او ورزش آمریت له لوري د یاد ولایت په ناوې ولسوالۍ کې د اتو لوبډلو ترمنځ د فوټبال سیالۍ پیل شوې، چې دوې اوونۍ به دوام وکړي.

د یادو سیالیو لومړۍ لوبه د آزاد. . .

چهارشنبه ۱۴۰۵/۸/۲۷ - ۱۰:۵۸
Background image

زابل؛ شاجوی ولسوالۍ کې د ۲۲ ورزشکارانو ترمنځ د واکو کېک بوکسېنګ سیالۍ ترسره شوې

د زابل ولایت د بدني روزنې او ورزش آمریت له لوري د یاد ولایت په شاجوی ولسوالۍ کې له ۲۲ کلبونو د ۲۲ ورزشکارانو ترمنځ د واکو کېک بوکسېنګ سیالۍ ترسره شوې.

د یادو سیالیو په پای کې د ګلبدین. . .

چهارشنبه ۱۴۰۵/۸/۲۷ - ۱۰:۵۳
Background image

بلخ؛ بلخ ولسوالۍ کې د ۶۰ چاپندازنو ترمنځ د وزلوبې سيالۍ وشوې

د بلخ ولايت د بدني روزنې او ورزش رياست اړوند د وزلوبې، نېزه وهنې او دوديزو لوبو ملي فدراسيون د استازولۍ له لوري د ياد ولايت په بلخ ولسوالۍ کې د ۶۰ چاپندازنو ترمنځ د وزلوبې سيالۍ وشوې.

. . .

BACK TO NEWS