کابل کې د سنوکر سیالۍ پای ته ورسېدې
یادې لوبې تېره ورځ په کابل ولایت کې پیل شوې وې، چې نویو ځوانانو، ځوانانو او ماسټرانو په ډلو کې د ۳۲ ورزشکارانو تر منځ وشوې او نن پای ته ورسېدلې.
د هېواد د سنوکر فدراسیون د مسوولینو په وینا؛ په دغو لوبو کې نوید نوري لومړی مقام خپل کړ او نجیب حبیبي دویم مقام ترلاسه کړ.
همدارنګه رییس خان سنزي د یادو لوبو درېیم او قیس رووفي څلورم مقامونه خپل کړل.
دا په داسې حال کې ده، چې ورزشکارانو د یادو لوبو په کېدلو خوښي وښوده او غوښتنه یې لرله، چې ورزشکارانو ته د لوبو لا زیات چانسونه ورکړل شي، چې دوی ملي او نړۍوالو سیالیو ته ځانونه تیار کړی شي.
