کاپيسا؛ د ژورناليزم پوهنځي لوبډله د کاپيسا پوهنتون د فوټبال سياليو اتله شوه
د کاپيسا پوهنتون د فوټبال سيالۍ، چې يوه مياشت وړاندې د دې پوهنتون د نهو پوهنځيو لوبډلو ترمنځ د تګ راتګ په سيستم د محصلینو د ودې او د البيروني پوهنتون په کچه د غوره لوبډلې ټاکلو په موخه، د دې پوهنتون د رياست د ورزشي مسوولینو له لوري د ياد پوهنتون په ورزشي ميدان کې پيل شوې وې، د ژورناليزم پوهنځي لوبډلې په ګټه پاى ته ورسېدې.
د دغو سياليو پايلوبه د طب او ژورنالېزم پوهنځيو لوبډلو ترمنځ وشوه، چې د ژورناليزم لوبډلې له ٥-١ پايلې سره د طب پوهنځي لوبډلې ته ماتې ورکړه.
په پاى کې ګټونکې لوبډلې او غوره لوبغاړو ته کپ، مډالونه او تحسين نامې هم ورکړل شوې.
