کاپيسا کې د پانکرایشن سيالۍ ترسره شوې
دغه سيالۍ د حصه اول کوهستان ولسوالۍ کې د پانکرایشن په مرکزي کلپ کې د ٤٠ ورزشکارانو په ګډون ترسره شوې.
د کاپيسا د ورزشي مسوولينو په وينا، له دې سياليو څخه يې موخه د کاپيسا د پانکرایشن منتخبې لوبډلې ته د غوره لوبغاړو ټاکل دي.
دغه سيالۍ د يوې ورځي لپاره د واګون او پلې داماس په دوو سبکونو کې پیل شوې وې چي په پای کې د کاپيسا د بدني روزنې او ورزش امریت له لوري په غوره لوبغاړو باندې د اتلولي سندونه وويشل شول.
دا سیالۍ په داسې حال کې کېږي چې د بدني روزنې او ورزش عمومي ریاست هره ورځ په مرکز او ولایتونو کې لسګونه ورزشي پروګرامونه جوړوي چې تېره اوونۍ د افغانستان په ۳۴ ولایتونو کې ۷۰ ورزشي سيالۍ يې په بریالیتوب سره ترسره کړې.
