کاپیسا؛ د دې ولایت په مرکز کې د څلور لوبډلو ترمنځ د فوټبال تګ راتګ سيالۍ پيل شوې
د کاپیسا ولایت د بدني روزنې او ورزش امريت او فوټبال فدراسيون له لوري د دې ولایت مرکز نواباد ورزشي ميدان کې د څلور لوبډلو ترمنځ د فوټبال تګ راتګ سيالۍ پيل شوې.
په دغو سياليو کې د پيروزي کوهبند، اميدهاى نواباد، اتحاد نواباد او استقلال عاشقان لوبډلې برخه لري.
د دغو سياليو د پيل په لوبه کې د پيروز کوهبند او امى هاى نواباد لوبډلې سره ولوبېدلې، چې د دې دواړو لوبډلو لوبه له ٣-٣ پايلې سره مساوي پاى ته ورسېده.
همداراز د يادو سياليو په دويمه لوبه کې به د اتحاد نو اباد او استقلال عاشقان لوبډلې سره مخ شي.
