کاپیسا؛ مرکز محمود راقي ښار کې د اتو لوبډلو ترمنځ د فوټبال سيالۍ پيل شوې
د کاپيسا ولايت د بدني روزنې او ورزش امريت اړوند د فوټبال ملي فدراسیون د استازولۍ له لوري د ياد ولايت په مرکز محمود راقي ښار کې د اتو لوبډلو ترمنځ د فوټبال سيالۍ پيل شوې.
د دغو سياليو په لومړۍ لوبه کې اميد های فردا لوبډلې خپلې سیالې استقلال نجراب لوبډلې ته د ۲/۱ ګولونو په توپير ماتې ورکړه او لومړۍ بريا يې خپله کړه.
د يادو سياليو موخه د هېواد مرکزي زون ته د غوره لوبغاړو پېژندل او د غوره لوبډلې لار موندل دي، چې لس ورځې به دوام وکړي.
