کاپیسا؛ په اله سای ولسوالۍ کې د فوټبال سیالیو اتلولي اتحاد انګورک لوبډلې وګټله
د کاپیسا ولایت په اله سای ولسوالۍ کې د فوټبال هغه سیالۍ چې یوه میاشت وړاندې د اتو لوبډلو ترمنځ په اشپي درې لوبغالي کې پیل شوې وې، د اتحاد انګورک لوبډلې په اتلولۍ پای ته ورسېدې.
ددې سیالیو پایلوبه د اتحاد انګورک او رای سینګ لوبډلو ترمنځ وه چې د ۴-۱ ګولونو په توپیر د اتحاد انګورک لوبډلې وګټله.
د سیالیو موخه د ورزشکارانو ترمنځ یووالی او پیوستون رامنځ ته کول وو .
په پای کې ګټونکو لوبډلو او پیاوړیو ورزشکارانو ته کپونه، ستاینلیکونه او مډالونه ووېشل شول.
