کاپیسا کې د څلورو لوبډلو ترمنځ د رسۍ کشولو سيالۍ ترسره شوې
د کاپيسا ولايت د بدني روزنې او ورزش امريت اړوند د ملي او دوديزو لوبو مديريت له لوري د ياد ولايت په مرکز محمود راقي ښار کې د څلورو لوبډلو ترمنځ د رسۍ کشولو سيالۍ ترسره شوې.
په دغو سياليو کې حکيمي ځوانانو، رحمان خېلو ځوانانو، ريګروان ځوانانو او کوهستان ځوانانو لوبډلو ګډون کړی وو، چې په پايله کې د کوهستان ځوانانو لوبډلې د زياتو امتيازانو په ترلاسه کولو سره لومړۍ مقام خپل کړ.
د يادو سياليو موخه دوديزو لوبو ته وده او د ځوانانو ترمنځ يووالی رامنځته کول و، چې يوه ورځ يې دوام وکړ.
