کاپیسا کې د ۷۰ ورزشکارانو ترمنځ د کیک بوکسینګ ټاکنیزې سیالۍ ترسره شوې
د کاپيسا ولایت د بدني روزنې او ورزش امریت اړوند د کیک بوکسینګ ملي فدراسیون د استازولۍ له لوري د یاد ولایت په کوهستان حصه اول ولسوالۍ کې د ۷۰ ورزشکارانو ترمنځ د کیک بوکسینګ ټاکنیزې سیالۍ پای ته ورسېدې.
د دغو سیالیو په پایله کې ۳۰ ورزشکارانو خپلو سیالانو ته په پرلپسې ماتې ورکولو سره بریاوې خپلې کړې او د یاد ولایت د کیک بوکسینګ منتخبې لوبډلې ته وټاکل شول.
د یادو سیالیو موخه د کاپیسا ولایت د کیک بوکسینګ منتخبې لوبډلې ته د غوره ورزشکارانو ټاکل و، چې دوې ورځې یې دوام وکړ.
د سیالیو په پای کې غوره ورزشکارانو ته چمتو شوې ډالۍ ورکړل شوې.
