کندز؛ امام صاحب ولسوالۍ کې د واليبال سيالۍ وشوې
د کندز ولايت د بدني روزنې او ورزش رياست په همغږۍ، د واليبال فدراسيون د استازولۍ او د امام صاحب ولسوالۍ ورزشي مديريت د يادې ولسوالۍ په ايسکي سيمه کې د ۱۰ لوبډلو ترمنځ د واليبال شپنۍ سيالۍ د موج های آمو لوبډلې په اتلولۍ پای ته ورسېدې.
د دغو سياليو پايلوبه کې موج های آمو لوبډلې خپلې سيالې حاجي آباد لوبډلې ته د ۲۵ پر ۱۸ امتيازونو په توپير ماتې ورکړه او اتلولي يې وگټله.
د يادو سياليو موخه ورزش ته د ځوانانو هڅول او د دې ولسوالۍ وگړو لپاره د سالمې تفريح برابرول وو، چې يوه شپه يې دوام وکړ.
