کندز؛ امام صاحب ولسوالۍ کې د ۱۴ لوبډلو ترمنځ د والیبال سیالۍ ترسره شوې
د کندز ولایت د بدني روزنې او ورزش ریاست اړوند د والیبال ملي فدراسیون د استازولۍ له لوري د یاد ولایت په امام صاحب ولسوالۍ کې د ۱۴ لوبډلو ترمنځ د والیبال حذفي سیالۍ د ښاروالۍ لوبډلې په اتلولۍ پای ته ورسېدې.
د دغو سیالیو په لومړۍ لوبه کې د ښاروالۍ لوبډلې خپلې سیالې موج امو لوبډلې ته د ۲۱ پر۱۹ امتیازونو پرتوپير ماتې ورکړه او اتلولي یې خپله کړه.
د یادو سیالیو موخه د والیبال ورزش ته د ځوانانو هڅوول و، چې یو ورځ یې دوام وکړ.
د سیالیو په پای کې د یاد ورزشي ریاست له لوري غوره لوبډلې ته د اتلولۍ جام او غوره لوبغاړو ته ډول ډول ورزشي ډالۍ ورکړل شوې.
