کندز؛ امام صاحب ولسوالۍ کې د ۲۱ لوبډلو ترمنځ د والیبال سیالۍ پای ته ورسېدې
د کندز ولایت د بدني روزنې او ورزش ریاست اړوند د والیبال فدراسیون د استازولي له لوري د یاد ولایت په امام صاحب ولسوالۍ کې د ۲۱ لوبډلو ترمنځ د والیبال سیالۍ د ښاروالۍ لوبډلې په اتلولي پای ته ورسېدې.
د یادو سیالیو پایلوبه د ښاروالۍ او ګرګري لوبډلو ترمنځ ترسره شوه چې په پایله کې د ښاروالۍ لوبډلې د ۳پر ۱ میدانونو خپلې سیالې لوبډلې ته ماتې ورکړه او اتلولي یې په خپل نوم کړه.
دغه سیالۍ ورزش ته د ودې ورکولو او د ځوانانو د هڅولو په موخه ترسره شوې چې یوه میاشت یې دوام وکړ او په پای کې غوره لوبغاړو ته مډالونه او ستاینلیکونه ورکړل شول.
