کندز؛ امام صاحب ولسوالۍ کې د ۵۶ کورشکارانو ترمنځ د کورش سيالۍ ترسره شوې
د کندز ولايت د بدني روزنې او ورزش رياست اړوند د کورش فدراسيون د استازولۍ له لوري د ياد ولايت په امام صاحب ولسوالۍ کې د ۵۶ کورشکارانو ترمنځ د کورش سيالۍ ترسره شوې.
د دغو سياليو په پايله کې ۲۸ کورشکارانو خپلو سيالانو ته په ماتې ورکولو سره لومړي او د اتلولۍ مقامونه ترلاسه کړل.
د يادو سياليو موخه سیمه ییزو او دوديزو لوبو ته وده ورکول و، چې يوه ورځ يې دوام وکړ.
