کندز؛ امام صاحب ولسوالۍ کې د ۶ لوبډلو ترمنځ د واليبال سيالۍ پای ته ورسېدې
د کندز ولايت د بدني روزنې او ورزش رياست په همکارۍ او د واليبال فدراسيون د استازولۍ له لوري د امام صاحب ولسوالۍ اړوند په ايسکي سيمه کې د ۶ لوبډلو ترمنځ د واليبال سيالۍ د ايسکي ځوانانو لوبډلې په اتلولۍ پای ته ورسېدې.
د دغو سياليو پايلوبه کې ايسکي ځوانانو لوبډلې خپلې سيالې رئيس ولي لوبډلې ته د ۲۵ پر ۱۷ امتيازونو په توپير ماتې ورکړه او اتلولي يې وگټله.
دا سيالۍ د لوبغاړو د بدني ځواک د ډېرولو او د يادې ولسوالۍ وگړو لپاره د سالمې تفريح برابرولو په وشوې، چې يوه ورځ يې دوام وکړ.
