کندز؛ د ا.ا د بریا دویمې کالیزي په ویاړ د ۱۶ لوبډلو ترمنځ د فوټبال ټورنمنټ پیل شو
د کندز ولایت د ورزش ریاست په همغږۍ د فوټبال فدراسیون له لوري د ا.ا.ا د بریا دویمې کالیزې په ویاړ د ۱۶لوبډلو ترمنځ د فوټبال ټورنمنټ پیل شو.
دغه سیالۍ په څلور- څلور ټیمي ګروپونو کې پیل شوې، چې د پیل لوبه یې د شوره خاک او صمیمیت لوبډلو ترمنځ وشوه، چې صمیمیت لوبډلې د ۲-۰ ګولونو په توپیر خپلې سیالې لوبډلې ته ماتې ورکړه.
یادي سیالۍ به یوه میاشت دوام وکړي، چې په دې ټورنمنټ کې ګډون کوونکې لوبډلې به په خپلو کې د غوره لیګ په بڼه لوبې وکړي.
