کندز؛ قلعه زال ولسوالۍ کې د ۶۰ چاپندازانو ترمنځ د وزلوبې سيالۍ وشوې
د کندز ولايت د بدني روزنې او ورزش رياست په همغږۍ، د وزلوبې، نيزه وهنې او سيمه ييزو لوبو فدراسيون د استازولۍ له لوري د قلعه زال ولسوالۍ اړوند آق تپې سیمه کې د ۶۰ چاپندازانو ترمنځ د وزلوبې سيالۍ وشوې.
د يادو سياليو په پايله کې دوه اخراوالاقه ترسره شول، چې لومړی اخراوالاق شېر عالم پهلوان او دويم اخراوالاق حفيظ الله پهلوان تر حلالې دایرې ورسوه او د ځانگرو ډاليو گټونکي شول.
دا سيالۍ ملي لوبو ته د ودې ورکولو او د يادې سیمې وگړو لپاره د سالمې تفريح برابرولو په موخه ترسره شوې، چې يوه ورځ يې دوام وکړ.
