کندز؛ په امام صاحب ولسوالۍ کې د ۶۰ ورزش کارانو ترمنځ د غېږنیونې سیالۍ وشوې
د کندز ولایت د بدني روزنې او ورزش ریاست اړوند د کورش فدراسیون د استازولۍ او امام صاحب ولسوالۍ د ورزشي مدیریت له لوري په ایشان توپ سیمه کې د کلباد او امام صاحب ولسوالیو د ۶۰ تنو ورزش کارانو ترمنځ د غېږنیونې سیالۍ وشوې.
دغه سیالۍ د ملي او دودیزو لوبو د ودې او ځوانانو ته د سالمې تفریح په موخه ترسره شوې، چې یوه ورځ یې دوام وکړ او په پای کې ۳۰ تنو ورزش کارانو خپلو سیالانو ته په ماتې ورکولو سره بریاوې خپلې کړې.
