کندز؛ په دشت ارچي ولسوالۍ کې د ۴ میلیونه افغانیو په لګښت د فوټسال جمنازیم پرانیستل شو
د کندز ولایت د بدني روزنې او ورزش ریاست په همکارۍ د ياد ولايت په دشت ارچي ولسوالۍ کې د دوو ملي سوداګرو له لوري د ۴ میلیونه افغانیو په لګښت د فوټسال جمنازیم پرانیستل شو.
ياد ورزشي جمنازیم د کندز ولایت د ورزشي مسؤلینو، دولتي چارواکو، مخورو او ورزشکارانو په شتون کې د فوټسال ورزش ته د ودې او پراختیا، د ځوانانو د ورزشي استعدادونو د غوړېدا، د جسمي او رواني روغتیا د پیاوړتیا، او د ځوانانو د سالم مصروفیت په موخه جوړ او ګټې اخیستنې ته وسپارل شو.
