کندز؛ په مرکز کې د ۷۰ پهلوانانو ترمنځ د کورش سيالۍ ترسره شوې
د کندز ولايت د بدني روزنې او ورزش رياست اړوند د کورش سامبو فدراسيون د استازولۍ له لوري د ياد ولايت په مرکز شايان کلب کې د ۷۰ پهلوانانو ترمنځ د نویو ځوانانو او ځوانانو په عمري کټگوريو کې د کورش سيالۍ ترسره شوې.
دغه سیالۍ، چې د پهلوانانو د هڅولو او جسمي وړتياوو لوړولو په موخه چمتو شوې وې، په پايله کې ۳۳ تنو ورزشکارانو په ترتيب سره لومړي، دويم او درېيم مقامونه ترلاسه کړل.
د يادولو وړ ده، چې دغو سياليو يوه ورځ دوام وکړ او په پای کې گټونکو پهلوانانو ته مډالونه او ستاينليکونه ورکړل شول.
