کندز ؛ په امام صاحب ولسوالی کې د١٢ لوبډلو ترمنځه د والیبال سیالۍ پیل شوې
دکندز ولایت دبدني روزني او ورزش ریاست اړوند د واليبال فدراسیون د استازولۍ او دامام صاحب ولسوالۍ د ورزشي کمیټې له لوري د ټولې ولسوالۍ په کچه د ۱۲ لوبدلو ترمنځ د واليبال سیالۍ پیل شوې.
د یادو سیالیو لومړۍ لوبه د ګرګري او قاري کمال لوبډلو ترمنځ ترسره شوه، چې په پایله کې ګرګري لوبډلې د ۳/۰ میدانونو په توپیر سیالې لوبډلې ته ماتې ورکړه او لومړۍ بریا یې خپله کړه.
ټاکل شوې دغه سیالۍ، چې د ورزش د ودې او پرمختګ په موخه پیل شوې دي، دوې اوونۍ به دوام وکړي.
