کندز ښار کې د ۱۹ تنو پهلوانانو ترمنځ د کورش ټاکنیزې سیالۍ ترسره شوې
د کندز ولایت د بدني روزنې او ورزش امریت اړوند د کورش فدراسیون د استازولۍ له لوري له لوري ۱۹ تنو پهلوانانو ترمنځ د ځوانانو، نوي ځوانانو او لویو ورزشکارانو په عمري کټګورۍ او په ۵۰، ۷۱ او ۸۱ کیلو ګرام وزن کې د کورش ټاکنیزې سیالۍ ترسره شوې.
په دغو سیالیو کې د ۵۰ کیلو ګرام وزن کې پهلوان تاز میر لومړی، ۷۱ کیلو ګرام وزن کې پهلوان احسان الله لومړی او ۸۱ ګیلو ګرام وزن کې پهلوان مزمل لومړی مقام ترلاسه کړ.
د یادو سیالیو موخه د کندز ولایت کورش منتخبې لوبډلې ته د غوره لوبغاړو موندل و.
د سیالیو په پای کې د کندز ورزش ریاست له لوري غوره لوبغاړو ته ستاینلیکونه ورکړل شول.
