کندز کې د ٨٠ چاپندازانو ترمنځ د وزلوبې سيالۍ وشوې
د کندز ولایت د بدني روزنې او ورزش ریاست او د وزلوبې، نيزه وهنې او سيمه ييزو لوبو ملي فدراسیون په گډه همکارۍ د ياد ولايت په مرکزي لوبغالي کې د شمال ختیځ زون په کچه د ٨٠ چاپندزانو ترمنځ د وزلوبې سیالۍ وشوې.
د دغو سیالیو په پايله کې دوه اخراولاقه ترسره شول، چې لومړی اخراولاق امان الله پهلوان او دویم اخراولاق بيا صدرالحق پهلوان تر حلالې دايرې وسوه او د ډالیو گټونکي شول.
د یادو سیالیو موخه راتلونکو ملي سیالیو ته د چاپندازانو لا ښه چمتووالی او د دې ولایت وگړو لپاره د سالمې تفریح برابرول وو، چې يوه ورځ يې دوام وکړ.
