کندز کې د پنځو ولایتونو ترمنځ د فوټبال سیالۍ پای ته ورسېدې
د کندز ولایت د بدني روزنې او رزش ریاست اړوند د فوټبال فدراسیون د استازولي له لوري د یاد ولایت مرکز اړوند په سپین زر ورزشي لوبغالي کې د پنځو ولایتونو ترمنځ د فوټبال سیالۍ دکندز ولایت ښاروالۍ عقابان لوبډلې په اتلولي پای ته ورسېدې.
په دغو سیالیو کې د کندز، بغلان، تخار، بدخشان او بامیان ولایتونو لوبډلو ګډون کړی و، چې پایلوبه د کندز ولایت ښاروالۍعقابان لوبډلې او بدخشان ولایت پامیر لوبډلو ترمنځ ترسره شوه چې ښاروالۍعقابان لوبډلې د ١١ ګولونو په لرلوسره لومړی مقام او د بدخشان ولایت پامیر عقاب لوبډلې د ١٠ ګولونو په لرلو سره دویم مقام ترلاسه کړ.
دا سیالۍ د هېواد د شمال ختیځ زون لپاره د غوره لوبډلې د ټاکلو په موخه ترسره شوې، چې پنځه ورځې یې دوام وکړ.
