کندز کې د ۱۴۰ پهلوانانو ترمنځ د کورش سيالۍ وشوې
د کندز ولايت د بدني روزنې او ورزش رياست اړوند د کورش فدراسيون د استازولۍ له لوري د ياد ولايت په مرکز سپين زر ورزشي لوبغالي کې د ۱۴۰ پهلوانانو ترمنځ د کورش آزادې سيالۍ وشوې.
په دغو سياليو کې پر کندز سربېره د سمنگان او جوزجان ولايتونو څخه پهلوانانو گډون کړی وو، چې په پايله کې ۷۰ تنو خپلو سيالانو ته په ماتې ورکولو سره برياوې خپلې کړې او چمتو شويو ډاليو گټونکي شول.
د يادو سياليو موخه د پهلوانانو د جسمي وړتياوو لوړول او د ښاريانو لپاره د سالمې تفريح برابرول وو، چې يوه شپه او ورځ يې دوام وکړ.
