کندز کې د ۶۰ پهلوانانو ترمنځ د کورش آزادې سيالۍ وشوې
د کندز ولایت د بدني روزنې او ورزش رياست اړوند د کورش فدراسيون د استازولۍ له لوري د ياد ولايت په مرکز کې د ۶۰ پهلوانانو ترمنځ د کورش آزادې سيالۍ وشوې.
دغه سيالۍ، چې يوه ورځ يې دوام وکړ، په پايله کې ۳۰ تنو پهلوانانو خپلو سيالانو ته په ماتې ورکولو سره برياوې خپلې کړې او د چمتو شويو ډاليو گټونکي شول.
د ويلو وړ ده، چې د يادو سیالیو موخه د پهلوانانو جسمي وړتياوو لوړول او د ښاریانو لپاره د يوې سالمې تفريح برابرول وو.
