کندز کې د ۶۰ چاپندازانو ترمنځ د وزلوبې سيالۍ وشوې
د کندز ولايت د بدني روزنې او ورزش رياست په همغږۍ او د وزلوبې، نيزه وهنې او سيمه ييزو لوبو ملي فدراسيون د استازولۍ له لوري د امام صاحب ولسوالۍ په بابا شاخ لوبغالي کې د ۶۰ چاپندازانو ترمنځ د وزلوبې سيالۍ وشوې.
د يادو سياليو په پايله کې يو اخراولاق ترسره شو، چې دغه اخراولاق محمد علي پهلوان د شېر محمد په آس تر حلالې دایرې ورسوه او د سياليو گټونکی شو.
دا سيالۍ راتلونکو لوبو لپاره د چاپندازانو د لا ښه چمتو والي او د دې ولسوالۍ وگړو لپاره د سالمې تفريح برابرولو په موخه وشوې، چې يوه ورځ يې دوام وکړ.
