کندهار؛ د یووالي او ورورولۍ په نوم د فوټبال سیالۍ د ځوانانو لوبډلې په اتلولۍ پای ته ورسېدې
کندهار؛ د یووالي او ورورولۍ په نوم د فوټبال سیالۍ د ځوانانو لوبډلې په اتلولۍ پای ته ورسېدې
د کندهار ولایت په احمد شاهي لوبغالي کې د یووالي او ورورولۍ په نامه د فوټبال سیالیو پایلوبه د میرویس نیکه پوهنتون او ځوانانو لوبډې ترمنځ ترسره شوه، چې په پایله کې د ځوانانو لوبډلې په اتلوۍ پای ته ورسېده او خپلې سیالې لوبډلې ته یې د ۲-۰ګولونو په توپیر ماتې ورکړه.
د یادو سیالیو په پار په جوړو شویو مراسمو کې د نوموړي ولایت د بدني روزنې او ورزش ریاست رئیس حافظ محمود اغا بشر، د کندهار ښاروالۍ مرستیال مفتي قدرت الله وصال، د یاد ولایت ورزشي مسولینو، ځوانانو او ګڼ شمېر د ورزش مینوالو ګډون کړی و.
دغه سیالۍ د کندهار ولایت د بدني روزنې او ورزش ریاست په همکارۍ د فوټبال فدراسیون له لوري، د څلورو لوبډلو ترمنځ ترسره شوې وې او لس ورځې یې دوام وکړ.
د سیالیو په پای کې لومړي او دویم مقام لوبډلو ته کپونه او مډالونه ورکړل شول.
