کندهار؛ په سپین بولدک ولسوالۍ کې د اتو لوبډلو ترمنځ د فوټبال سیالۍ پای ته ورسېدې
د کندهار ولایت په سپین بولدک ولسوالۍ کې د امن او یووالي په نوم د اتو لوبډلو ترمنځ د فوټبال سیالۍ پای ته ورسېدې.
په دغو سیالیو کې د بولدک ولسوالۍ د لوبډلو ترڅنګ د چمن، فراه، هرات او کندهار لوبډلو هم ګډون کړی و، چې په پایله کې د چمن حاجي سردار محمد او السعادت کلب لوبډلو د دغو سیالیو پایلوبې ته لار ومونده او له یوې په زړه پورې سیالۍ وروسته د دواړو لوبډلو ترمنځ لوبه په مساوي شکل پای ته ورسېده او د اتلولۍ کپ چمن حاجي سردار محمد مېلمه لوبډلې ته ورکړل شو.
د یادونې وړ ده چې په دغه ولسوالۍ کې تردې مخکې هم ورته سیالۍ ترسره شوې او په راتلونکې کې هم پلان لري چې د الف او ب لوبډلو ترمنځ لویې سیالۍ ترسره کړي.
