کندهار؛ O.H.A لوبډلې د ځوان غږ په نوم د فوټسال سياليو اتلولي وگټله

د کندهار ولايت د بدني روزنې او ورزش رياست اړوند د فوټبال فدراسيون د استازولۍ له لوري په کندهار ورزشي جمنازيوم کې د لسو لوبډلو ترمنځ د ځوان غږ په نوم د فوټسال سيالۍ د O.H.A لوبډلې په اتلولۍ پای ته ورسېدې.

د يادو سياليو پايلوبه د مهتاب او O.H.A لوبډلو ترمنځ ترسره شوه، چې په پايله کې O.H.A لوبډلې سيالې مهتاب لوبډلې ته ۱/۲ گول په توپير ماتې ورکړه او اتلولي يې خپله کړه.

دغه سيالۍ، چې دوې مياشتې يې دوام وکړ، په پای کې لومړي او دويم مقام گټونکو لوبډلو ته کپونه او غوره لوبغاړو ته مډالونه او ستاينليکونه ورکړل شول.