کندهار پوهنتون د پوهنتونونو ترمنځ د ټېپ بال کرکټ سیالیو اتلولي وګټله
د کندهار ولایت د بدني روزنې او ورزش ریاست له لوري په یاد ولایت کې د درېیوو پوهنتونونو ترمنځ د ټېپ بال کرکټ لس اوریزې سیالۍ د کندهار پوهنتون په اتلولي پای ته ورسېدې.
په دغو سیالیو کې د کندهار، میرویس نیکه او ملالۍ پوهنتونونو لوبډلو ګډون کړی و.
پایلوبه یې د کندهار پوهنتون او ملالۍ پوهنتون لوبډلو ترمنځ ترسره شوه چې کندهار پوهنتون په ټاکلو لسو اورونو کې د اتو لوبغاړو په له لاسه ورکولو سره خپلې سیالې لوبډلې ته د ۱۷۲ منډو هدف وټاکه. مقابلې لوبډلې د هړف په تعقیب کې ۱۰۵ منډې وکړې او لوبه یې د ۶۶ منډو په توپیر وبایلله.
د سیالۍ په پای کې د ورزشي مسؤولانو له لوري اتلې لوبډلې ته د اتلولي کپ او غوره لوبغاړو ته بېلابېلې ډالۍ ورکړل شوې.
