کندهار کې د ۱۵ سي لوبډلو ترمنځ د فوتبال سیالۍ پای ته ورسېدې
د کندهار ولایت د بدني روزنې او ورزش ریاست اړوند د فوټبال فدراسیون د استازولۍ له لوري د یاد ولایت مرکز اړوند احمد شاهي لوبغالي کې د ۱۵C لوبډلو ترمنځ د فوتبال شپنۍ سیالۍ د ګران اتلان لوبډلې په اتلولي پای ته ورسېدې.
د یادو سیالیو پایلوبه د ګران اتلان او ریښتیني لوبډلو ترمنځ ترسره شوه، چې په پایله کې یې ګران اتلان لوبډلې د ۱/۰ ګولونو په توپیر خپلې سیالې ریښتیني لوبډلې ته ماتې ورکړه او اتلولي یې وګټله.
دا سیالۍ د ځوانانو لپاره د سالمې تفرېح برابرولو په موخه ترسره شوې، چې نږدې یوه میاشت یې دوام وکړ.
