کونړ؛ په مرکز اسعد اباد ښار کې د کراټې ورزشکارانو له لوري سيالۍ او ورزشي فايټونه ترسره شول.
د کونړ ولايت د ورزش امريت په همغږۍ د کراټې فدراسيون له لوري د ٢٠ تنو ورزشکارانو ترمنځ د مرکز اسعد اباد ښار په کرهالي پارک کې سيالۍ او نمايشونه ترسره شول.
په دغو سياليو کې يادو ورزشکارانو په خپلو کې جالبې او تخنيكي سيالۍ نندارې ته وړاندې کړلې.
د دغو سياليو په پاى کې د لسګونو نورو ورزشکارانو له لوري د نندارچيانو د تشویق او ورزش ودې په موخه په زړه پورې ورزشي نندارې هم ترسره کړلې چې د ګډونوالو له لوري تشویق شول.
د يادو سياليو او نمايشونو موخه د ورزشکارانو د وړتیا او استعداد لوړول او راتلونکو ولايتي او منتخبو سياليو ته د هغوى چمتو کول دي.
په پاى کې د کونړ د ورزش امريت له لوري مخکښ او هغه ورزشکاران چې ښې ورزشي نندارې يې ترسره کړلې په مډالونو او ستاينليکونو ونازول شول.
