کونړ؛ څوکۍ ولسوالۍ کې د پنځو لوبډلو ترمنځ د ټېپ بال کرکت سیالۍ پای ته ورسېدې
د کونړ ولایت د بدني روزنې او ورزش آمریت اړوند د ټېپ بال کرکټ فدراسیون د استازولي له لوري د یاد ولایت په څوکۍ ولسوالۍ کې د پنځو لوبډلو ترمنځ د ټېپ بال کرکت سیالۍ د صفت الله لوبډلې په اتلولي پای ته ورسېدې.
د یادو سیالیو پای لوبه د صفت الله او شاکرالله لوبډلو ترمنځ ترسره شوه. د لوبې پچه شاکرالله لوبډلې وګټله او لومړی یې توپ وهنه وکړه، چې په ټاکلو اتو اورونو کې یې د خپلو څلورو لوبغاړو په زیان خپلې سیالې لوبډلې ته د ۹۷ منډو هدف وټاکه. صفت الله لوبډلې یاد هدف د دوو لوبغاړو په له لاسه ورکولو سره د لوبې په شپږم اور کې ترلاسه کړ او په اتو ویکټو یې خپلې سیالې لوبډلې ته په ماتې ورکولو سره د یادو سیالیو اتلولي وګټله.
دغه سیالۍ د ځوانانو ترمنځ د یووالي فضأ رامنځته کولو په موخه ترسره شوې، چې پنځه ورځې یې دوام وکړ.
