کونړ؛ څوکۍ ولسوالۍ کې د څلورو لوبډلو ترمنځ د ټېپ بال کرکټ سیالۍ پیل شوې
د کونړ ولایت د بدني روزنې او ورزش آمریت اړوند د ټېپ بال کرکټ فدراسیون د استازولي له لوري د یاد ولایت په څوکۍ ولسوالۍ کې د څلورو لوبډلو ترمنځ د ټېپ بال کرکټ سیالۍ پیل شوې.
د یادو سیالیو لومړۍ لوبه د افغان سټار او میاخېل ځوانانو لوبډلو ترمنځ ترسره شوه، چې میاخېل ځوانانو لوبډلې د ټاس په ګټلو لومړی توپ وهنه وکړه او په ټاکلو اتو اورونو کې یې خپلې سیالې لوبډلې ته د ۸۲ منډو هدف وټاکه. افغان سټارز لوبډلې د هدف په تعقیب کې ۶۰ منډې وکړې او لوبه یې د ۲۱ منډو په توپیر وبایلله.
دغه سیالۍ له نشه يي توکو سره د مبارزې په موخه پیل شوي دي، چې اته ورځې به دوام وکړي.
