کونړ کې د ۱۲ لوبډلو ترمنځ د غازي آباد اتلانو جام په نوم د ټېپ بال کرکټ سيالۍ پيل شوې
د کونړ ولايت د بدني روزنې او ورزش آمريت په همکارۍ د غازي آباد ولسوالۍ په نېشه گام مرکزي لوبغالي کې د ۱۲ لوبډلو ترمنځ د غازي آباد اتلانو جام په نوم د ټېپ بال کرکټ سيالۍ د اسمار الف لوبډلې په بريا پيل شوې.
دغه سیالۍ چې شاوخوا لس ورځې به دوام وکړي، لومړنۍ لوبه يې د اسمار الف او ناړۍ پښتون لوبډلو ترمنځ ترسره شوه، چې ناړۍ پښتون لوبډلې د لوبې پچې په گټلو سره په ټاکلو لسو اورونو کې د شپږو لوبغاړو په سوځېدو سره سیالې لوبډلې ته د ۱۲۰ منډو هدف وټاکه، په مقابل کې اسمار الف لوبډلې ياد هدف په اتم اور کې ترلاسه کړ او د اووه ویکټو په توپير يې بريا خپله کړه.
